ბათუმში "ნაციონალური მოძრაობის" კანდიდატის წარდგენის შემდეგ ახალ ბულვარში ინციდენტი მოხდა

ბათუმში "ნაციონალური მოძრაობის" კანდიდატის წარდგენის შემდეგ, ახალ ბულვარში ინციდენტი მოხდა. "ერთიანი ნაციონალური მოძრაობის" წევრები პოლიციის თანამშრომელს ალენ მახაჭაძეს სიტყვიერად დაუპირისპირდნენ.

როგორც "ერთიანი ნაციონალური მოძრაობის" წევრები აცხადებენ, პოლიციელი ოპოზიციის მიერ გამართულ აქციებზე ძალადობით გამოირჩეოდა. "ერთიანი ნაციონალური მოძრაობის წევრის ლევან ანთაძის თქმით, ალენ მახაჭაძე "ერთიანი ნაციონალური მოძრაობის" შეკრებაზე მივიდა და მალულად ფოტოებს იღებდა. ოპოზიციის ინფორმაციით, მახაჭაძე აღნიშნულ ფოტოებს სავარაუდოდ პოლიციის მაღალჩინოსნებს უგზავნიდა.

"მთელი დღეა აქციაზე ხარ და ფოტოებს იღებ, კრიმინალს მიხედეთ აქ ყოფნის ნაცვლად. თორნიკე რიჟვაძემ გამოგიშვათ? პოლიციის მესამე განყოფილების თანამშრომელი ხართ. თქვენ დაიჭირეთ ჩვენი თანაგუნდელი ლევან გორგილაძე და ახლა რა დავალება გაქვს?“- მიმართეს "ნაციონალური მოძრაობის“ წევრებმა ალენ მახაჭაძეს.

თავის მხრივ, ალენ მახაჭაძემ ჟურნალისტებს განუცხადა, რომ ახალ ბულვარში სეირნობდა და მეგობარს ელოდებოდა.

"ფოტოები მე არ გადამიღია, რადგან ამ ტერიტორიაზე გავჩერდი, იმას არ ნიშნავს აქციაზე მოვედი. მეგობარს ველოდები",- განაცხადა ალენ მახაჭაძემ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი