ფრაქცია „ნაციონალური მოძრაობა“ ე.წ ქოლ-ცენტრების საქმეზე პარლამენტში გრიგოლ ლილუაშვილს იბარებს

ფრაქცია „ნაციონალური მოძრაობა“ სახელმწიფო უსაფრთხოების სამსახურის უფროსს, გრიგოლ ლილუაშვილს ფარულ მოსმენებთან და ე.წ ქოლ-ცენტრების საქმესთან დაკავშირებით პარლამენტში იბარებს.

„ნაციონალური მოძრაობის“ ერთ-ერთი ლიდერის, ლევან ხაბეიშვილის განცხადებით, გრიგოლ ლილუაშვილმა მას და ორ ტელეკომპანიას ე.წ. ქოლ-ცენტრების საქმეზე სასამართლოში უჩივლა.

მისივე თქმით, გრიგოლ ლილუაშვილი საერთაშორისო გამოძიების საგანი გახდა.

„საზოგადოებას აქვს ინფორმაცია, რომ სახელმწიფო უსაფრთხოების სამსახური არა ერთ სკანდალშია გახვეული, მათ შორის, მამაოების, მეუფეების მოსმენის საქმე, რაზეც მათ განცხადებაც კი არ გაუკეთებიათ და მისი ხელმძღვანელი არც კი შეწუხებულა, როცა მამაოების, მეუფეების, პედაგოგების კრებსებზე იყო საუბარი და მათ შორის, არა ერთ სკანდალშია გახვეული თუ როგორ იპარავენ მაგალითად, წინასაარჩევნოდ ადამიანებს, როგორ იპარავენ და კლავენ დეპუტატებს და ეს ყველაფერი უკავშირდებოდა სახელმწიფო უსაფრთხოების სამსახურს. არასდროს, არც ერთხელ სუს-ის ხელმძღვანელ გრიგოლ ლილუაშვილს არანაირი განცხადება ამ მიმართულებით არ გაუკეთებია და რომ უსმენენ მთელ საქართველოს, რომ უსმენენ მამაოებს, მეუფეებს, პედაგოგებს, რომ მათ ფაქტობრივად საძინებლებში წერენ ამაზე არასდროს, არანაირი რეაგირება არ ჰქონია. გაგიკვირდებათ და რამდენიმე დღის უკან მან მე და ორ ტელეკომპანიას გვიჩივლა სასამართლოში „ქოლ-ცენტრების“ საქმეზე, რომელიც უკავშირდება ინტერნაციონალურ თაღლითურ დანაშაულს, საიდანაც „ქართული ოცნება“, ბიძინა ივანიშვილი, ლილუაშვილი და ბიძინა ივანიშვილის დეიდაშვილი წელიწადში დაახლოებით მილიარდ დოლარამდე შავ ფულს გამოიმუშავებდნენ და ამ თანხებს წინასაარჩევნოდ იყენებდნენ ზონდერების და პროვოკატორების მოსასყიდად საარჩევნო უბნებზე. რატომ გადაწყვიტა გრიგოლ ლილუაშვილმა ჩივილი მხოლოდ ამ საკითხზე? - ჩვენი ინფორმაციით, ის გახდა საერთაშორისო გამოძიების საგანი, ჩვენ ვფიქრობთ, რომ ამ ადამიანის წინააღმდეგ დაიწყება გამოძიება, როგორც მთავარი ე.წ. კრიშა ქოლ-ცენტრების, საიდანაც ძარცვავენ ევროკავშირის მოქალაქეებს. მე დღეს დამატებით ჩვენს პარტნიორებს, ევროპელ კოლეგებს ჩავაყენებ საქმის კურსში ოფიციალური წერილით, ასევე ჩვენ დღეს ვითხოვთ გრიგოლ ლილუაშვილის მოსვლას პარლამენტში და შესაბამისი წერილი ფრაქცია „ნაციონალური მოძრაობიდან“ გაიგზავნება, რომ ის მობრძანდეს და გაგვცეს კონკრეტულ კითხვებზე პასუხი. ჩვენ ვნახეთ პროპაგანდა, რომელიც ამოქოქა „ქართულმა ოცნებამ“ და მისმა პროპაგანდისტულმა არხებმა და ახლა გაახსენდათ „ქოლ-ცენტრები“, არადა როცა კონკრეტულ მისამართებზე მივდიოდი და ვამხელდი, მაშინ არანაირი რეაგირება ამ მიმართულებით არ ჰქონიათ. მხოლოდ მას შემდეგ ანერვიულდნენ, რაც ბატონი ლილუაშვილი, ბატონი უჩა მამაცაშვილი და სავარაუდოდ, ბიძინა ივანიშვილითაც დაინტერესდნენ გამომძიებლები, რომლებიც უკვე რამდენიმე თვეა იმყოფებიან, ვგულისხმობ, გერმანელ და ფრანგ სამართალდამცველებს, რომლებიც ამ მიმართულებით იძიებენ საქმეს“, - განაცხადა ხაბეიშვილმა.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა