ბათუ ქუთელია მიიჩნევს, რომ ირაკლი ღარიბაშვილის მიერ დაანონსებული დასაქმების პროგრამა შშმ პირთა მიმართ დისკრიმინაციულია

პარტია „დროას“ ერთ-ერთი ლიდერი, ბათუ ქუთელია მიიჩნევს, რომ პრემიერ-მინისტრ ირაკლი ღარიბაშვილის მიერ დაანონსებული დასაქმების პროგრამა შშმ პირთა მიმართ დისკრიმინაციულია.

მან დღევანდელ ბრიფინგზე საქართველოს ხელისუფლებას მოუწოდა, სასწრაფოდ შეცვალოს ამ პროგრამის შინაარსი, აღმოფხვრას დისკრიმინაციის კომპონენტები და დაამატოს რაც შეიძლება მეტი შესაძლებლობა შშმ პირებისთვის.

„პროგრამა, რომელიც პრემიერმა დაანონსა, თავი შინაარსით შეზღუდული შესაძლებლობის მქონე პირთა მიმართ დისკრიმინაციულია. საქართველო გაერო-ს კონვენციას შეუერთდა, რომლითაც ავიღეთ ვალდებულება, ყველა საჯარო პოლიტიკა, პროექტი თუ პროგრამა, რომელიც სახელმწიფოს მიერ ინიცირებული იქნება, გაითვალისწინოს და ბოლომდე უზრუნველყოს შშმ პირების ჩართულობა, მათთვის შესაბამისი პირობების შექმნის კუთხით. ეს არის ვალდებულობა, რომელიც რეალურად, ქვეყნის დემოკრატიულობის ხარისხს განსაზღვრავს. ამ პროგრამის დისკრიმინაციული ხასიათით საქართველოს მთავრობამ კიდევ ერთხელ დაადასტურა, რომ ისინი არა დემოკრატიულ ფასულობებს ემსახურებიან, არამედ დაკავებული არიან კონკრეტული, ვიწროპარტიული ამოცანების შესრულებით. ამის გათვალისწინებით, მოვუწოდებთ საქართველოს ხელისუფლებას, სასწრაფოდ შეცვალოს ამ პროგრამის შინაარსი, უზრუნველყოს და აღმოფხვრას დისკრიმინაციის კომპონენტები და დაამატოს რაც შეიძლება მეტი შესაძლებლობა შშმ პირებისთვის, რომ ისინი ამ პროგრამაში ჩაერთონ. გარდა ამის, პარტია „დროა“ ყველა შესაძლო აქტორთან, დაინტერესებულ პირებთან, კერძო სექტორთან მუშაობს შესაბამისი საჯარო პოლიტიკის შემუშავებაზე. ამის თაობაზე ჩვენი საჯარო პოლიტიკის ცენტრი მუშაობს“,- განაცხადა ქუთელიამ.

ცნობისთვის, მთავრობა 1-ელი მარტიდან სოციალური შემწეობის მიმღები შრომისუნარიანი პირებისთვის საზოგადოებრივ სამუშაოებზე დასაქმების პროგრამას იწყებს. პრემიერ-მინისტრის ირაკლი ღარიბაშვილის განცხადებით, საზოგადოებრივ სამუშაოზე დასაქმების შემთხვევაში, მოსარგებლის ოჯახს სოციალური დახმარება 4 წლის განმავლობაში არ შეუწყდება.

როგორც პრემიერმა მთავრობის სხდომაზე განაცხადა, სოციალურ დახმარება არ შეუწყდება შრომისუნარიან იმ მოქალაქესაც, რომელიც დასაქმებაზე უარს იტყვის.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
ქართული პრესის მიმოხილვა 03.10.2022
ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა