ადვოკატ დიმიტრი საძაგლიშვილის განცხადებით, 7 ნოემბრის საქმესთან დაკავშირებით, მესამე პრეზიდენტის მიხეილ სააკაშვილის წინააღმდეგ არცერთი მტკიცებულება არ არსებობს. როგორც სასამართლო სხდომის დაწყებამდე ადვოკატმა ჟურნალისტებს განუცხადა, 7 ნოემბრის საქმე, რომელსაც მესამე პრეზიდენტს ედავებიან, პოლიტიკურადაა მოტივირებული.
"ხელისუფლება, რომლის კისერზეც არის გავრილოვის სისხლიანი ღამე, 7 ნოემბრის საქმეზე პოლიტიკური მოტივაციით დევნის მიხეილ სააკაშვილს, სადაც არცერთი მტკიცებულება არ არსებობს მის წინააღმდეგ. ხაზგასმით ვამბობ, 7 ნოემბერთან დაკავშირებით მიხეილ სააკაშვილს განცხადება აქვს გაკეთებული, რომ ბუნებრივია, არასასიამოვნოდ განვითარდა მოვლენები, იყო შეცდომა და ამ შეცდომაზე პოლიტიკური პასუხისმგებლობა მან აიღო, როდესაც თანამდებობიდან გადადგა და ხელახალი არჩევნები დანიშნა“, - განაცხადა საძაგლიშვილმა.
მისი თქმით, მოქმედ ხელისუფლებას პოლიტიკური პასუხისმგებლობაც კი არ აუღია ბევრად უფრო მძიმე და სასტიკ დარბევაზე.