ხათუნა სამნიძე - სააკაშვილის მხრიდან ბრძოლის უკიდურესი ზომის არჩევა არ არის სწორი, მითუმეტეს, როცა ხელისუფლებაში არაჰუმანური ძალაა

სააკაშვილის მხრიდან ბრძოლის ასეთი უკიდურესი ზომის არჩევა არ არის სწორი, მითუმეტეს, როცა ხელისუფლებაში არის არაჰუმანური ძალა, - ამის შესახებ "რესპუბლიკური პარტიის" თავმჯდომარე ხათუნა სამნიძემ განაცხადა, რითაც გამოეხმაურა მიხეილ სააკაშვილის მიერ უვადო შიმშილობის დაწყებას.

მისი თქმით, სააკაშვილი "ქართული ოცნების" პირადი პატიმარია და ხელისუფლება ხშირად, მის მიმართ არაადამიანური მოპყრობით ცდილობს გარკვეული თემებიდან საზოგადოების ყურადღების გადატანას.

"მიხეილ სააკაშვილი ამ ხელისუფლების პატიმარია და ყველა ჯერზე, როცა დასჭირდება "ქართულ ოცნებას", რომ ოპოზიციის და საზოგადოების ყურადღება სხვაგან გადავიდეს, იყენებს ამ ფაქტს და არაადამიანური მოპყრობით თუ სხვა მეთოდებით ცდილობს მთელი ყურადღება გადაიტანოს ამ მიმართულებით. ის არის "ქართული ოცნების" პირადი პატიმარი. სააკაშვილის მხრიდან ეს გადაწყვეტილება და ბრძოლის ასეთი უკიდურესი ზომის არჩევა არ არის სწორი, მითუმეტეს, როცა ხელისუფლებაში არის არაჰუმანური ძალა, არ ვფიქრობ, რომ ხელისუფლებისგან ამას მოჰყვება სასიკეთო რეაგირება ოპოზიციისთვის, პირველ რიგში თავად სააკაშვილისთვის. "ქართული ოცნება" არაჰუმანური ძალაა და ის არაფრად აგდებს ადამიანის სიცოცხლეს და ჯანმრთელობას, არა მხოლოდ სააკაშვილთან მიმართებით, ამაზე მეტყველებს ზოგადად ის ვითარება, რაც არის ქვეყანაში",- განაცხადა სამნიძემ.

ინფორმაციისთვის, საქართველოს მესამე პრეზიდენტმა მიხეილ სააკაშვილმა უვადო შიმშილობა გამოაცხადა.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა