დიდი ოდენობით უაქციზო საქონლის შენახვა-გადაზიდვის ფაქტზე ორი პირი დააკავეს
საქართველოს ფინანსთა სამინისტროს საგამოძიებო სამსახურის თანამშრომლებმა მარკირებას დაქვემდებარებული დიდი ოდენობით აქციზური საქონლის აქციზური მარკის გარეშე შენახვა-გადაზიდვის ფაქტზე ორი პირი დააკავეს.
უწყების ცნობით, გამოძიებით დადგინდა, რომ უკანონო მატერიალური სარგებლის მიღების მიზნით, ბრალდებულებმა, მათივე სარგებლობაში არსებული ავტომობილით, ქალაქ თბილისში დიდი ოდენობით უაქციზო სიგარეტის გადაზიდვა განახორციელეს, რა დროსაც მათი მხილება მოხდა.
„საგამოძიებო მოქმედებების შედეგად ამოღებულია 1 957 კოლოფი უაქციზო სიგარეტი, ასევე, ის სატრანსპორტო საშუალება, რომლითაც საქონლის გადაზიდვა განხორციელდა.
ამოღებული უაქციზო სიგარეტის საბაზრო ღირებულება 8 610 ლარს შეადგენს.
საქმეზე გამოძიება საქართველოს სისხლის სამართლის კოდექსის მე-200 მუხლის მე-2 ნაწილით გრძელდება, რაც სასჯელის სახით 4-დან 6 წლამდე ვადით თავისუფლების აღკვეთას ითვალისწინებს,“ - აღნიშნულია საგამოძიებო სამსახურის ინფორმაციაში.
v-if="article.gallery" v-html="article.gallery"
