რუსთავში, კოსტავას გამზირზე ალიევის სკვერთან ავტოსაგზაო შემთხვევა მოხდა.

ერთმანეთს ორი მსუბუქი ავტომობილი შეეჯახა, შეჯახების შედეგად ერთ-ერთი ავტომობილი გზის სავალი ნაწილიდან გადავიდა, ხეს შეეჯახა და ცეცხლი გაუჩნდა.

არსებული ინფორმაციით, მგზავრების გადმოყვანა დროულად მოხდა და მათ სიცოცხლეს საფრთხე არ ემუქრება .დაშავებულა რამდენიმე პირი, რომლებიც კლინიკაში არიან გადაყვანილი.

ადგილზე მობილიზებული იყო სახანძრო-სამაშველო ბრიგადები, სასწრაფო სამედიცინო დახმარების ბრიგადები. ცეცხლი ამ დროისთვის ლიკვიდირებულია.