ნუგზარ წიკლაური - კონსოლიდირებული აზრი ჰქონდა „ქართულ ოცნებას“, რომ საქართველოსთვის დაებრალებინათ ომი, დღეს მთელმა მსოფლიომ თქვა, რომ ის, რაც ხდება უკრაინაში, იგივე მოხდა საქართველოში, საქართველო გამართლდა

ფაქტია ერთი რამ, კონსოლიდირებული აზრი ჰქონდა „ქართულ ოცნებას“, რომ საქართველოსთვის დაებრალებინათ ომი, - ასე ეხმაურება „ნაციონალური მოძრაობის“ ერთ-ერთი ლიდერი, ნუგზარ წიკლაური „პალიტრანიუსის“ გადაცემაში „პოლიტიკური სივრცე“ საქართველოს პრეზიდენტის, სალომე ზურაბიშვილის მიერ საერთაშორისო მედიის წარმომადგენლებთან 2008 წლის ომთან დაკავშირებით გაკეთებულ განმარტებას.

ნუგზარ წიკლაურის თქმით, უკრაინა-რუსეთის კრიზისის შემდეგ მთელმა მსოფლიომ თქვა, რომ ის, რაც ხდება უკრაინაში, იგივე მოხდა საქართველოში და ამით საქართველო გამართლდა.

„გასაოცარი რამ თქვა ქალბატონმა ზურაბიშვილმა, ეს იყო შიდა პოლიტიკური მოხმარების გამონათქვამებიო, როდესაც ასეთ თემას, ვინ დაიწყო ომი, ვინ არის მართალი ომში, როდესაც პატარა საქართველო და უზარმაზარი მონსტრს ებრძოდნენ ქართულ მიწაზე, ამ თემას გამოიყენებ შიდა მოხმარებისთვის და ამას ამბობს პრეზიდენტი, ეს არის დრამა ქართული სახელმწიფოსთვის.

ფაქტია ერთი რამ, კონსოლიდირებული აზრი ჰქონდა „ქართულ ოცნებას“, რომ საქართველოსთვის დაებრალებინათ ომი, საქართველოს ხელისუფლებისათვის დაებრალებინათ ომი, ჩვენ ვყოფილიყავით დამნაშავეები იმ ვითარებაში 2008 წელს. დღეს მთელმა მსოფლიომ თქვა, რომ ის, რაც ხდება უკრაინაში, იგივე მოხდა საქართველოში, საქართველო გამართლდა და საქართველო ამის მერე მაინც ნამდვილად არ იმსახურებს ისეთ ხელისუფლებას, რომელიც მას ყველაზე უფრო საბედისწერო დანაშაულში სდებს ბრალს, თითქოს და თავს დაესხა თავის თავს, თითქოს და თვითონ დაბომბა თავისი მიწები. გახსოვთ, ასეთი ბრალდებებიც კი ისმოდა, რომ თვითონ ბომბავს „ნაციონალური მოძრაობა“ საქართველოს მიწასო. აი, ეს ანომალია ხელისუფლებაში რაც უფრო მალე დასრულდება, მით უმჯობესი იქნება საქართველოს ყველა მოქალაქისათვის.

ამას ახლა მალაპარაკებს არა ის, რომ ვარ ოპოზიციის წარმომადგენელი, არამედ ის, რომ მართლა მრცხვენია ვიყო იმ ქვეყნის მოქალაქე, რომელსაც რუსული მეხუთე კოლონა მართავს“, - განაცხადა ნუგზარ წიკლაურმა.

ცნობისთვის, პრეზიდენტმა სალომე ზურაბიშვილმა საერთაშორისო მედიის წარმომადგენლებთან განაცხადა, რომ ის, თუ ვინ არის პასუხისმგებელი ომზე, 2008 წლიდან მოყოლებული ბევრჯერ ნათლად უთქვამს და მთლიანად რუსეთის პასუხისმგებლობაა და რომ მისი „წუხილი სხვა რამეს ეხება, ხელისუფლებამ რა უნდა გააკეთოს, როდესაც პროვოკაცია იწყება“.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი