არჩილ თალაკვაძე - სააკაშვილი შიმშილობით პარტიის შიგნით ერთიანობის შენარჩუნებას ცდილობს, მაგრამ პროცესი, რასაც საზოგადოება „ნაციონალურ მოძრაობაში“ აკვირდება, არის შეუქცევადი

სააკაშვილს აქვს პრობლემები ძალაუფლების შენარჩუნების მხრივ პარტიის შიგნით და შიმშილობის გამოცხადებით ცდილობს პარტიის შიგნით ერთიანობა შეინარჩუნოს, თუმცა პროცესი, რასაც საზოგადოება აკვირდება, „ნაციონალური მოძრაობის“ შიგნით, არის შეუქცევადი, - ამის შესახებ ვიცე-სპიკერმა არჩილ თალაკვაძემ ჟურნალისტებთან განაცხადა.

მისი თქმით, სააკაშვილი აფერხებს „ნაციონალური მოძრაობის“ განახლებას და ხელს უშლის ოპოზიციურ სპექტრს განვითარებაში.

მიხეილ სააკაშვილის შიმშილობა არის მეათეხარისხოვანი საკითხი, გაცილებით მნიშვნელოვანი თემებია დღის წესრიგში. მისი უფლებები არის დაცული, ისევე როგორც ყველა სხვა პატიმრის, ისინი თანაბარი უფლებებით სარგებლობენ. ამასთან, იცით, რომ მიხეილ სააკაშვილმა რაც პატიმრობაში იმყოფება, 600-ზე მეტი ვიზიტორი მიიღო და როგორც პირადი, ისე სამოქალაქო ჯანდაცვის სექტორის, ასე პენიტენციური ჯანდაცვის სექტორის ექიმების ათეულობით ვიზიტი და კონსულტაცია მიიღო, რაც პირდაპირ აჩვენებს, რომ მისი უფლებები, როგორც პატიმრის, არის დაცული, დანარჩენი არის მანიპულაცია და პოლიტიკური გეგმები, რაც პარტიის შიგნით უნდა გაარკვიონ. მესმის, რომ მას აქვს პრობლემები ძალაუფლების შენარჩუნების მხრივ პარტიის შიგნით და ცდილობს ემოციური ნაბიჯებით თუ შიმშილობის გამოცხადებით პარტიის შიგნით ერთიანობა შეინარჩუნოს, თუმცა პროცესი, რასაც საზოგადოება აკვირდება, „ნაციონალური მოძრაობის“ შიგნით, არის შეუქცევადი. დესტრუქციული, რადიკალური დღის წესრიგის პარტია, რომელიც არაერთხელ დამარცხდა არჩევნებში, სხვას არ უნდა ელოდოს. სააკაშვილი ბლოკავს პარტიის შიგნით განახლებას, ხელს უშლის ოპოზიციურ სპექტრს მთლიანად განვითარებაში. ამას ცდილობდა საპარლამენტო არჩევნების შემდეგაც, მაგრამ ვერ მიაღწია, ეს გეგმა არის გაკოტრებული, ეს გეგმა ჩავარდა. ის ვერ შეცვლის საქართველოს პოლიტიკურ დღის წესრიგს ამ ნაბიჯებით, რომელსაც მიმართავს,“ - განაცხადა თალაკვაძემ.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა