ქუთაისში, მეტალურგიულ ქარხანაში ამიაკის გაჟონვის შედეგად 2 მუშა მოიწამლა. დაშავებულები სამედიცინო დაწესებულებაში გადაიყვანეს. მათი მდგომარეობა ამ დროისათვის დამაკმაყოფილებელია.

როგორც ადმინისტრაციაში აცხადებენ, ქარხანაში ჩვეული სამუშაო პროცესი მიმდინარეობდა, დასაქმებულები მეორად ჯართს ჭრიდნენ და ამიაკის გაჟონვა ერთ-ერთი ბალონის გაჭრის შემდეგ მოხდა.

მეტალურგიული ქარხანა „ამბიკონ სტილსი" მეორადი ჯართის გადამუშავებით არის დაკავებული. საწარმოში 300 ადამიანია დასაქმებული.