ბათუმში უკრაინის მხარდამჭერი აქცია ლოზუნგით “დიდება უკრაინას” მიმდინარეობს
ბათუმში უკრაინის მხარდამჭერი აქცია ლოზუნგით “დიდება უკრაინას” მიმდინარეობს.აქციაზე, სხვადასხვა პოლიტიკურ პარტიებთან ერთად, უკრაინელები, ბელარუსები და რუსეთის მოქალაქეები იმყოფებიან, რომლებიც რუსეთის აგრესიას უკრაინის მიმართ აპროტესტებენ.
“ერთიანი ნაციონალური მოძრაობის” წევრი გიორგი კირთაძე აცხადებს, რუსეთს სანქციები საქართველოს რიგითმა მოქალაქეებმა უნდა დაუწესოს და პრობლემები შეუქმნას რუსულ კომპანიებს.
“ამაზე სამარცხვინო განცხადებას ღარიბაშვილი საკუთარ სიცოცხლეში ვეღარ გააკეთებს, ფსკერი გახვრიტა და თავმოყვარეობა შეგვილახა ამ ქვეყანაში მცხოვრებ ყველა ადამიანს. მთელი მსოფლიო უკრაინას უდგას გვერდით, ყველაზე რთულ დროს აგვისტოს ომში უკრაინის პრეზიდენტი საქართველოს დედაქალაქში იყო ჩამოსული. ჩვენი პასუხისმგებლობაა რომ ღარიბაშვილი პრემიერია, რასაც არ აკეთებს ღარიბაშვილი უნდა გავაკეთოთ ჩვენ! ჩვენ უნდა შევუქმნათ პრობლემები რუსულ კომპანიებს, არ უნდა შევიდეთ რუსულ ბანკში, არ უნდა ჩავასხათ "ლუკოილოს" ბენზინ გასამართ სადგურზე საწვავი, არ უნდა ვისარგებლოთ "მაქსიმითა" და "იანდექსის" მომსახურებით”,- განაცხადა გიორგი კირთაძემ.
v-if="article.gallery" v-html="article.gallery"
