ჰოსპიტალური სამედიცინო ქსელი ჯეო ჰოსპიტალსი უკრაინის მხარდასაჭერ აქციაში აქტიურად არის ჩართული. კომპანიამ სოლიდარობისა და მხარდაჭერის ნიშნად, ქვეყანაში ჰუმანიტარული ტვირთი უკვე გაგზავნა და მისი მოქალაქეებისთვის ცხელი ხაზიც აამოქმედა.

ამასთან, საქართველოში დარჩენილი უკრაინის მოქალაქეები უფასო სამედიცინო მომსახურებას მიიღებენ. უფრო კონკრეტულად კი მათ გაეწევათ გადაუდებელი სამედიცინო დახმარება და ექიმის კონსულტაცია.

უკრაინაში გაგზავნილი ჰუმანიტარული ტვირთი მოიცავს პირველადი სამედიცინო დახმარების საგნებს, სხვადასხვა საჭირო მედიკამენტსა და არსებულ ვითარებაში ყველაზე აუცილებელ სამედიცინო საშუალებებს.

როგორც ჯეო ჰოსპიტალსში განმარტავენ, კომპანიას სურს, თანადგომა გამოხატოს მეგობარი ქვეყნისა და მისი მოქალაქეების მიმართ და მოკრძალებული წვლილი შეიტანოს მათს მხარდასაჭერად.

„სამედიცინო პერსონალმა, ისე როგორც არავინ, ვიცით ადამიანის სიცოცხლის ფასი. გვსურს, ჩვენი შესაძლებლობის ფარგლებში თანადგომა გამოვხატოთ ჩვენი მეგობარი ქვეყნის მიმართ და მის მოქალაქეებს მდგომარეობა შევუმსუბუქოთ,“ - აცხადებენ კომპანიაში.

დეტალური ინფორმაციის მისაღებად უკრაინის მოქალაქეებს 24-საათიან რეჟიმში შეუძლიათ დარეკონ ცხელ ხაზზე: 0322505222.

(R)