რაჭა-ლეჩხუმ სვანეთის მაჟორიტარი დეპუტატის გოჩა ენუქიძის ინფორმაციით, სპორტის და ახალგაზრდობის სამინისტროს დაფინანსებით ამბროლაურის სალოტბარო სკოლაში სამშენებლო-სარეაბილიტაციო სამუშაოები დასრულდა.

დეპუტატის განცხადებით, განახლებულ შენობაში ქართული ხალხური სიმღერის შესწავლას მოსწავლეები მალე შეუდგებიან.

ანზორ ერქომაიშვილის სახელობის ფოლკლორის სახელმწიფო ცენტრმა სალოტბარო სკოლა ამბროლაურში 2015 წელს გახსნა.

„სწორედ ამ წელს დაიწყო ფოლკლორის ცენტრის უმნიშვნელოვანესი პროექტის განხორციელება - საქართველოს მუნიციპალიტეტებში სალოტბარო სკოლების გახსნა, სადაც ნებისმიერ მსურველს ქართული ხალხური სიმღერა - გალობის შესწავლა უფასოდ შეუძლია. საქართველოს რეგიონებში უკვე 29 სალოტბარო სკოლა მოქმედებს.

ამბროლაურის სალოტბარო სკოლაში 25 მოსწავლეს ქართულ მრავალხმიანობას ლევან ბერელიძე და დავით ხირტლაძე ასწავლიან“, - ნათქვამია ამბროლაურის მუნიციპალიტეტის მერიის მიერ გავრცელებულ ინფორმაციაში.