აჭარის უმაღლეს საბჭოსა და სსიპ „საქართველოს მედიატორთა ასოციაციას“ შორის ურთიერთთანამშრომლობის მემორანდუმი გაფორმდა. ამის შესახებ ინფორმაციას აჭარის ავტონომიური რესპუბლიკის უმაღლესი საბჭო ავრცელებს.

მათი ინფორმაციით, დოკუმენტს, რომელიც 5 პუნქტისა და სხვადასხვა ქვეპუნქტებისაგან შედგება, აჭარის უმაღლესი საბჭოს თავმჯდომარემ - დავით გაბაიძემ და მედიატორთა ასოციაციის თავმჯდომარემ - ირაკლი ყანდაშვილმა მოაწერეს ხელი. მემორანდუმი, ერთობლივი ინიციატივებისა და ღონისძიებების განხორციელების მიზნით, საკანონმდებლო ორგანოსა და ასოციაციას შორის მჭიდრო თანამშრომლობას ისახავს მიზნად.