რაჭა-ლეჩხუმ სვანეთის მაჟორიტარმა დეპუტატმა, გოჩა ენუქიძემ დაუნის სინდრომის საერთაშორისო დღესთან დაკავშირებით, ამბროლაურის, ონის, ცაგერისა და ლენტეხის მუნიციპალიტეტებში, დაუნის სინდრომის მქონე პირები მოინახულა და სიმბოლური საჩუქრები გადასცა. ინფორმაციას ამის შესახებ მაჟორიტარი დეპუტატის პრესსამსახური ავრცელებს.
გოჩა ენუქიძის განცხადებით, საზოგადოებაში ცნობიერების ამაღლებით, დაუნის სინდრომის მქონე პირთა დისკრიმინაცია და სტერეოტიპული მიდგომა არ უნდა დავუშვათ.
„ეს დღე გვახსენებს, რომ ჩვენს გვერდით საზოგადოების თანასწორი, სრულფასოვანი და ღირსეული წევრები ცხოვრობენ. ჩვენ ქრომოსომებს არ ვითვლით და მეგობრებს მათი შესაძლებლობების მიხედვით არ ვირჩევთ.
საზოგადოებაში ცნობიერების ამაღლებით, დაუნის სინდრომის მქონე პირთა დისკრიმინაცია და სტერეოტიპული მიდგომა არ უნდა დავუშვათ.
ჩვენი გუნდი, განსაკუთრებულად უჭერს მხარს ინკლუზიურ მომავალს, სადაც ყველას აქვს შესაძლებლობა სრულფასოვნად იცხოვროს და საკუთარი არჩევანი გააკეთოს“, - განაცხადა გოჩა ენუქიძემ.