იაშვილის სახელობის ბავშვთა ცენტრალური საავადმყოფოს რეგიონული სისხლის ბანკის ორგანიზებით, ხობში სისხლის უანგარო დონაციის აქცია გაიმართა. ინფორმაციას ამის შესახებ ხობის მუნიციპალიტეტის მერია ავრცელებს.
მათივე ცნობით, აქციაში მონაწილეობა საზოგადოების, ადგილობრივი თვითმმართველობისა და არასამეწარმეო (არაკომერციული) იურიდიული პირების წარმომადგენლებმა მიიღეს.
მუნიციპალიტეტის ინფორმაციით, ხობელების მიერ გაღებული სისხლი სისხლის ბანკში შეინახება და საჭიროების შემთხვევაში ჰუმანიტარული დახმარების სახით უკრაინაში გაიგზავნება.