მარტვილში, ბალდის ტაძარში მეუფე სტეფანე მივიდა - განკვეთილი სასულიერო პირები მას შეძახილებით დახვდნენ

მარტვილში, ბალდის ტაძარში მისულ ჭყონდიდის მიტროპოლიტს, მეუფე სტეფანეს განკვეთილი სასულიერო პირები, შეძახილებით "მონა", "მონა" დახვდნენ.

მანამდე ტაძრის ეზოში სიტუაცია ჩოხოსნებსა და განკვეთილ ბერებს შორის რამდენჯერმე დაიძაბა.

ადგილზე მისული მრევლის ნაწილი ჩაკეტილი ტაძრის გაღებას ითხოვდა, თუმცა საპატრიარქოსთან დაპირისპირებულმა სასულიერო პირებმა ტაძრის კარების გასაღები არ მისცეს. მოგვიანებით, მრევლმა ბალდის ტაძრის გვერდითა შესასვლელი კარის გაღება შეძლო. ბალდის ტაძარში წირვისთვის ემზადებიან.

ადგილზე მობილიზებული არიან სამართალდამცველები.