რაჭა-ლეჩხუმ სვანეთის მაჟორიტარი დეპუტატი გოჩა ენუქიძე, ცაგერის მუნიციპალიტეტში, რაჭა-ლეჩხუმ ქვემო სვანეთის სახელმწიფო რწმუნებულთან, პაპუნა მარგველიძესთან და ცაგერის მუნიციპალიტეტის ხელმძღვანელ პირებთან ერთად, მუნიციპალიტეტის მერიის სამსახურების უფროსებს შევხვდა. ამის შესახებ ინფორმაციას ცაგერის მუნიციპალიტეტის მერია ავრცელებს.

დეპუტატის ინფორმაციით, შეხვედრისას, მერიის სამსახურების ხელმძღვანელებმა, საკურატორო სფეროებში არსებული გამოწვევებსა და მიღწევებზე ისაუბრეს.

ამასთან, განიხილეს ცაგერის მუნიციპალიტეტის მასშტაბით მნიშვნელოვანი ინფრასტრუქტურული პროექტები, მათ შორის საქართველოს პრემიერ-მინისტრის მიერ ინიცირებული ''განახლებული რეგიონების," "საპილოტე რეგიონების ინტეგრირებული განვითარების პროგრამის" და სოფლის მხარდამჭერი პროგრამის ფარგლებში მიმდინარე და დაგეგმილი სამუშაოები.

''მსგავსი ტიპის სამუშაო შეხვედრები, ადგილობრივი, ცენტრალური და საკანონმდებლო ხელისუფლებების კოორდინირებული მუშაობით მუნიციპალიტეტებში არსებული გამოწვევების დროულად მოგვარებას უზრუნველყოფს, ამიტომ აღნიშნული ფორმატის შეხვედრები, რეგიონის ყველა მუნიციპალიტეტში ეტაპობრივად გაიმართება", - განაცხადა გოჩა ენუქიძემ.