2022 წელს, გორის მუნიციპალიტეტში „სოფლის მხარდაჭერის პროგრამის" ფარგლებში განსახორციელებელი პროექტების შერჩევა დასრულდა. ინფორმაციას გორის მუნიციპალიტეტის მერია ავრცელებს.

მათი ინფორმაციით, 112 სოფელში განსახორციელებელი პროექტები ადგილობრივებმა ხმათა უმრავლესობით შეარჩიეს.

„პრიორიტეტული პროექტების გამოვლენის მიზნით, სოფლის კრებები და კონსულტაციები თებერვალსა და მარტში ჩატარდა. შეხვედრების უმრავლესობას გორის მუნიციპალიტეტის მერი, ვლადიმერ ხინჩეგაშვილი თანამშრომლებთან ერთად ესწრებოდა და ადგილობრივების მოსაზრებებს პირადად ისმენდა.

თითოეულ სოფელში მცირე ინფრასტრუქტურული პროექტების ღირებულება 10-დან 20 ათას ლარამდეა. პროგრამის ფარგლებში, გორის მუნიციპალიტეტში ჯამში, 1 596 000 ლარი დაიხარჯება.

სოფლის მხარდაჭერის პროგრამა საქართველოს რეგიონებში განსახორციელებელი პროექტების ფონდიდან ფინანსდება.

გორის მუნიციპალიტეტის სოფლებში „სოფლის მხარდაჭერის პროგრამის" ფარგლებში განსახორციელებელი პროექტები იხილეთ ბმულზე https://docs.google.com/spreadsheets/d/18Xzs2z0QhGPO2uWFBJixlFxvh67gezUC/edit?usp=sharing&ouid=105992776191264781280&rtpof=true&sd=true „,-აღნიშნულია ინფორმაციაში.