ხათუნა სამნიძე - ცნობილი გახდა, რომ პრეზიდენტმა ყველა შეთავაზებული ელჩი დანიშნა - “ქართულ ოცნებაში“ არგუმენტი გაქრა და მაგიდაზე ერთადერთი საკითხი დარჩა, რომ ეს პოლიტიკური ანგარიშსწორება იყო!

ცნობილი გახდა, რომ პრეზიდენტმა ყველა შეთავაზებული ელჩი დანიშნა - “ქართულ ოცნებაში“ არგუმენტი გაქრა და მაგიდაზე ერთადერთი საკითხი დარჩა, რომ ეს პოლიტიკური ანგარიშსწორება იყო! - ასე ხსნის “საკონსტიტუციო სასამართლოს შესახებ“ ორგანულ კანონში დაგეგმილი ცვლილებების პროექტის განხილვის ორი კვირით გადადების გადაწყვეტილებას პარლამენტის ოპოზიციონერი დეპუტატი ხათუნა სამნიძე.

სამნიძემ პარლამენტის პლენარულ სხდომაზე მმართველ გუნდს ინიცირებული პროექტის განხილვის ერთი თვის ვადით გადადება შესთავაზა.

“მეტი დროა საჭირო არა ოპოზიციისთვის, არამედ “ქართული ოცნებისთვის“, რათა დაინახოთ, რომ არგუმენტები წარმოდგენილ კანონის პროექტზე არ არსებობს.

“ქართული ოცნებიდან“ ერთადერთი არგუმენტი ისმოდა, რომ პრეზიდენტი ელჩებს არ ნიშნავდა. დღეს ცნობილი გახდა, რომ პრეზიდენტმა ყველა შეთავაზებული 12-ვე ელჩი დანიშნა. ამიტომ „ქართულ ოცნებაში“ არგუმენტი გაქრა და მაგიდაზე ერთადერთი საკითხი დარჩა, რომ ეს პოლიტიკური ანგარიშსწორება იყო. ძალიან კარგია, მივესალმები და ვეთანხმები კანონის პროექტის განხილვის გადადებას. შეიძლება განხილვა ერთი თვითაც გადაიდოს“, - განაცხადა სამნიძემ პარლამენტის პლენარულ სხდომაზე.

პარლამენტმა “საკონსტიტუციო სასამართლოს შესახებ“ ორგანულ კანონში დაგეგმილი ცვლილებების პროექტის განხილვის ორი კვირით გადადების გადაწყვეტილება მიიღო.

“საკონსტიტუციო სასამართლოს შესახებ“ ორგანულ კანონში დაგეგმილი ცვლილებების პროექტი, რომელიც მიმდინარე კვირას პარლამენტს სამივე მოსმენით უნდა მიეღო, სახელმწიფო ორგანოთა შორის კომპეტენციების დავის საკითხებს შეეხება.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება