ბათუმში ნაპირდაცვითი პროექტის განხორციელება დაიწყო

თორნიკე რიჟვაძის ხელმძღვანელობით აჭარის მთავრობის სხდომა გაიმართა. სხდომაზე მთავრობის თავმჯდომარემ დააანონსა ინფრასტრუქტურული მიმართულებით დაგეგმილი პროექტები, - ამის შესახებ ინფორმაციას აჭარის ავტონომიური რესპუბლიკის მთავრობა ავრცელებს.

მათივე ინფორმაციით, ბათუმისთვის მნიშვნელოვანია ნაპირდაცვითი ღონისძიებების დროული და ეფექტიანი გატარება. ამ მიმართულებით დაწყებულია ნაპირდაცვითი ღონისძიებების პროექტირება და შესაბამისი ექსპერტების ჩართულებითა და რეკომენდაციებით განხორციელდება ნაპირის დაცვისა და კვების ღონისძიებები. აღნიშნული ღონისძიების დროული გატარება სოფლის მეურნეობის სამინისტროს გარემოს დაცვის სამმართველოს დაევალა.

„გადავწყვიტეთ, რომ ძალიან სიღრმისეულად მოხდება ამ პროექტის დაგეგმარება, ჩართულია შესაბამისი გარემოსდაცვითი და საინჟინრო ექსპერტები და ძალიან მალე დავიწყებთ ნაპირდაცვითი ღონისძიებების გატარებას, რაც მთავრობის სარეზერვო ფონდიდან იქნება დაფინანსებული. სამწუხაროდ, წინა ხელისუფლების დროს, აქ არ განხორციელებულა სიღრმისეული კვლევები. არცერთი გარემოსდაცვითი კვლევა არ იყო ჩატარებული. დღეს ჩვენ გვიწევს არა მხოლოდ ამ კონკრეტულ ლოკაციაზე, არამედ სხვა ინფრასტრუქტურულ პროექტებთანაც გაფუჭებული საქმეების კეთება“, - განაცხადა მთავრობის თავმჯდომარემ.

აჭარაში არაერთი მნიშვნელოვანი პროექტი ხორციელდება საერთაშორისო პარტნიორებთან თანამშრომლობის ფარგლებში. საქართველო-გერმანიის ფინანსური თანამშრომლობით ბათუმში წყლის პროექტის მეხუთე ფაზის განხორციელება იწყება. მეხუთე ფაზის ფარგლებში ადლიის, აეროპორტის, კახაბრის, ჩაქვის, ინდუსტრიული ზონის, ხელვაჩაურის, მეჯინისწყლის ტერიტორიაზე წყალმომარაგებისა და წყალარინების თანამედროვე სისტემა მოეწყობა.

ცეცხლაურში, ნარჩენების მართვის თანამედროვე ობიექტის ტექნიკური აღჭურვის და ბათუმის არასტანდარტული ნაგავსაყრელის დახურვის მიზნით მიღწეული იქნა შეთანხმება EBRD-თან, რომელიც ამ მიმართულებით გამოყოფს ფინანსურ რესურსს.

ბათუმში იწყება ფრიდონ ხალვაშის გამზირის რეაბილიტაცია-მოდერნიზაცია, რომელსაც საქართველოს საავტომობილო გზების დეპარტამენტი განახორციელებს.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი