ამბროლაურის მუნიციპალიტეტში მეწყრული პროცესი განვითარდა. ქალაქში, ვაჟა-ფშაველას ქუჩაზე დიდი რაოდენობით მასა მიედინება. ამბროლაურის მერის ინფორმაციით, მიმდებარე ტერიტორია დაუსახლებელია და ჯერჯერობით ადგილობრივებს საფრთხე არ ემუქრებათ, თუმცა, უსაფრთხოების მიზნით, მიმდებარედ არსებული ბენზინგასამართი სადგურის და სავაჭრო ობიექტების მფლობელები გააფრთხილეს. ჯერჯერობით უცნობია, რამ გამოიწვია მასის ჩამოსვლა.
ხვალ დილას ადგილზე გეოლოგებს ელოდებიან, რომლებიც ტერიტორიას შეისწავლიან.