კომისიის თავმჯდომარის განცხადებით, ბათუმის მე-4 სამაჟორიტარო ოლქში არჩევნები მშვიდ ვითარებაში მიმდინარეობს

ბათუმის 79-ე საოლქო საარჩევნო კომისიის თავმჯდომარის, ციალა შავაძის განცხადებით, ბათუმის მეოთხე სამაჟორიტარო ოლქში არჩევნები მშვიდ ვითარებაში მიმდინარეობს.

როგორც „ინტერპრესნიუსს“ მან განუცხადა, მხოლოდ ორ საარჩევნო უბანზე შეიქმნა ვერიფიკაციის აპარატთან დაკავშირებული პრობლემა.

„დილით, 06:45 წუთზე საუბნო საარჩევნო კომისიები გაიხსნა, კომისიებმა მშვიდ ვითარებაში ჩაატარეს წილისყრის პროცედურები, მიიღეს პირველი ამომრჩეველი, ხოლო მოგვიანებით, ორ უბანზე შეიქმნა ვერიფიკაციის აპარატებზე პრობლემა. ტექნიკური ჯგუფები მუშაობენ, ერთ უბანზე აღმოიფხვრა უკვე ეს პრობლემა“, - განაცხადა ციალა შავაძემ.