საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, გარემოს ეროვნული სააგენტოს ცნობით, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის სტეფანწმინდა-ლარსის მონაკვეთზე, თოვლის ინტენსიური დნობისა და ღვარცოფული პროცესების გააქტიურების გამო, ზვავსაშიშროების საფრთხის დონე საშუალოა, რის გამოც აღნიშნულ მონაკვეთზე ყველა სახის ავტოტრანსპორტის მოძრაობა აკრძალულია.

გარემოს ეროვნული სააგენტოს ცნობით, ამავე საავტომობილო გზის გუდაური-კობის მონაკვეთზე ზვავსაშიშროების საფრთხის საშუალო დონის არსებობის გამო, დღეს, 13:00 სთ-დან ყველა სახის ავტოტრანსპორტის გადაადგილება აიკრძალა. საავტომობილო გზების დეპარტამენტის ინფორმაციით, დაწესებული რეჟიმი გუდაური-კობის მონაკვეთზე 19:00სთ-დან მოიხსნება.

საავტომობილო გზების დეპარტამენტი მოუწოდებს მოსახლეობას, იმოძრაონ გამართული ავტოტრანსპორტით და დაემორჩილონ საავტომობილო გზებზე დაწესებულ რეჟიმებს.