გორში „გლობალური ტური ლაზერულ სირბილში“ გაიმართა
გორმა ლაზერულ სირბილში „გლობალურ ტურს“ უმასპინძლა.
გორის მუნიციპალიტეტის მერიის ინფორმაციით, სხვადასხვა ასაკის მოზარდებმა, საქართველოს მასშტაბით, მონაწილეობა გარბენში მიიღეს. გამარჯვებულები სიგელებითა და მედლებით დაჯილდოვდნენ.
მათივე ცნობით, სპორტული ღონისძიება გორის მუნიციპალიტეტის მერიისა და „შიდა ქართლის თანამედროვე ხუთჭიდისა და ტრიატლონის ფედერაციის“ თანადაფინანსებით გაიმართა.
„პროექტის მიზანია მუნიციპალიტეტში პერსპექტიული ახალგაზრდების გამოვლენა, მათი დაინტერესება და სპორტის ამ სახეობის პოპულარიზაცია.
გორის მუნიციპალიტეტის მერია მხარს უჭერს ყველა ისეთ პროექტს, რომელიც მოზარდებში ჯანსაღი ცხოვრების დამკვიდრებასა და სპორტულ ცხოვრებაში ჩართვას გულისხმობს“, - აღნიშნულია ინფორმაციაში.
