ქალაქ ფოთში ჩარეტის ფესტივალი პირველად ჩატარდა

ქალაქ ფოთში ჩარეტის ფესტივალი პირველად ჩატარდა. ამის შესახებ ინფორმაციას ფოთის მერია ავრცელებს.

მათივე ინფორმაციით, ღონისძიების სტუმრებს, საშუალება ჰქონდათ, გასცნობოდნენ ფოთში არსებულ არასამთავრობო, საჯარო და კერძო სექტორის წარმომადგენლებს, ადგილობრივ პროფესიულ, ქოლგა ორგანიზაციებსა და კულტურულ ასოციაციებს. ჩარეტის ფესტივალის მიზანია, ფოთის კულტურის სტრატეგიის შემუშავებაში მოქალაქეთა ფართო მასების ჩართულობის უზრუნველყოფა.

ქალაქის ცენტრალურ პარკში Poti Flea Market მოეწყო, სადაც მონაწილეობის მიღება ნებისმიერ მსურველს შეეძლო. ფესტივალის ფარგლებში, პატარებისთვის ანიმატორების და ზღაპრის გმირების მონაწილეობით, მხიარული და გასართობი პროგრამა გაიმართა. ფესტივალის მეორე დღეს, ფოთის საზღვაო სასწავლო-საწვრთნელ ცენტრში, ჩარეტ-სტუდიოს ფარგლებში, სამუშაო შეხვედრა გაიმართა, სადაც მონაწილეებმა იმუშავეს სტრატეგიის სამუშაო დოკუმენტის თემატურ მიმართულებებზე. შეხვედრას ესწრებოდნენ მედიის, სამოქალაქო, არასამთავრობო და კერძო სექტორის წარმომადგენლები.

,,ევროკავშირის პროექტის EU4Culture ფარგლებში, ფოთი, საქართველოს 3 ქალაქს შორისაა, რომელმაც 30 000 ევროს გრანტი მოიპოვა და ევროპელი პარტნიორების მხარდაჭერით, კულტურის განვითარების სტრატეგიას მოამზადებს. პროექტის მთავარი მიზანია, ხელი შეუწყოს კულტურის როლის გაზრდას ეკონომიკური და სოციალური განვითარების პროცესში. პროექტი დაფინანსებულია ევროკავშირის მიერ, პროექტის EU4Culture ფარგლებში, რომელსაც ახორციელებს გოეთეს ინსტიტუტი, ჩეხეთის ცენტრები, დანიის კულტურის ინსტიტუტი და საქართველოს ფრანგული ინსტიტუტი. პროექტის პარტნიორები არიან, ქალაქ ფოთის მუნიციპალიტეტი და სტუდენტურ-ახალგაზრდული სათათბირო“, - ნათქვამია ინფორმაციაში.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება