გარდაბანში, ჯიბილო ნიჟარაძის სახელობის ძიუდოს ახლად რეაბილიტირებული, სპორტული დარბაზი გაიხსნა. გარდაბნის მუნიციპალიტეტის მერმა დავით კარგარეთელმა და საკრებულოს თავმჯდომარე მიხეილ გედეხაურმა დაათვალიერეს და ახალგაზრდა სპორტსმენებისგან მათი საჭიროებების შესახებ მოისმინეს.
გარდაბნის მუნიციპალიტეტის მერიის ინფორმაციით, დარბაზში ამ ეტაპზე სხვადასხვა ასაკობრივი ჯგუფის, 25 დამწყები სპორტსმენი ვარჯიშობს და ჯანსაღი ცხოვრების წესის, ხელშეწყობისა და პოპულარიზაციის მიზნით სპორტულ დარბაზში ძიუდოს სწავლება უფასოა.
მათივე ცნობით, სპორტული დარბაზის რეაბილიტაციისთვის, ადგილობრივი ბიუჯეტიდან 97 000 ლარი გამოიყო, სარეაბილიტაციო სამუშაოების ფარგლებში დამონტაჟდა ცენტრალური გათბობის სისტემა, მოწესრიგდა გასახდელები და მოეწყო სველი წერტილები.