ვლადიმერ ხინჩეგაშვილი კელი დეგნანს შეხვდა

ამერიკის შეერთებული შტატების ელჩი საქართველოში, კელი დეგნანი გორს სტუმრობდა. ამის შესახებ ინფორმაციას გორის მუნიციპალიტეტი ავრცელებს.

მერიის ინფორმაციით, შეხვედრა მუნიციპალიტეტის მერიის ადმინისტრაციულ შენობაში გაიმართა, რომელსაც გორის მერი ვლადიმერ ხინჩეგაშვილი, შიდა ქართლში სახელმწიფო რწმუნებული ვალერიან მჭედლიძე და საკრებულოს თავმჯდომარე დავით რაზმაძე ესწრებოდნენ.

„შეხვედრაზე საუბარი შეეხო მუნიციპალიტეტში არსებულ ზოგად მდგომარეობასა და იმ პროექტებს, რომლებიც მიმდინარე წელს გორსა და სოფლებში განხორციელდება.

კელი დეგნანი განსაკუთრებით დაინტერესდა სოფლის მეურნეობის განვითარებისა და "სოფლის მხარდაჭერის პროგრამის" მიმდინარეობით.

ხელისუფლების წარმომადგენლებმა კიდევ ერთხელ დააფიქსირეს მადლიერება ამერიკის საელჩოსა და ზოგადად ამერიკელი ხალხის მიმართ და ელჩს მადლობა გადაუხადეს ყველა იმ განხორციელებული პროექტისთვის, რასაც ამერიკის შეერთებული შტატები მუნიციპალიტეტში ახორციელებს.

ოფიციალური შეხვედრის შემდეგ, ამერიკის ელჩი გორში არსებულ "ამერიკის კუთხეს" ესტუმრა და პედაგოგებსა და ახალგაზრდებს შეხვდა.

დეგნანი განათლების პროგრამებით დაინტერესდა და ახალგაზრდებისგან პირადად მოისმინა მათი იდეები და წინადადებები.

ელჩთან შეხვედრა კითხვა - პასუხის რეჟიმში გაგრძელდა“, - აღნიშნულია ინფორმაციაში.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
PSP განცხადებას ავრცელებს