ბათუმში, 26 მაისის ქუჩაზე სამართალდამცავები არიან მობილიზებული. როგორც თვითმხილველებმა “ინტერპრესნიუსს” განუცხადეს, ურთიერთშელაპარაკების ნიადაგზე ერთი ადამიანი დაჭრეს.
მათი ინფორმაციით, 26 მაისის ქუჩაზე ნასვამ მდგომარეობაში მყოფი პირები ერთმანეთს დაუპირისპირდნენ.
თვითმხილველების თქმით, ნასვამ მდგომარეობაში მყოფი პირები, ადგილზე მისულ სამართალდამცავებს სიტყვიერ შეურაცხყოფას აყენებდნენ და წინააღმდეგობას უწევდნენ, რის გამოც რამდენიმე პირი პოლიციის განყოფილებაში გადაიყვანეს.
მამაკაცის დაჭრის ფაქტზე, საქართველოს შინაგან საქმეთა სამინისტრომ გამოძიება „სისხლის სამართლის კოდექსის” 117-ე მუხლით დაიწყო გამოძიება, რაც ჯანმრთელობის განზრახ მძიმე დაზიანებას გულისხმობს.