თელავში 9 აპრილს გარდაცვლილთა მემორიალი ყვავილებით შეამკეს

კახეთის მხარეში სახელმწიფო რწმუნებულმა ირაკლი შიოშვილმა, თელავის მუნიციპალიტეტის მერმა ლევან ანდრიაშვილმა და საკრებულოს თავმჯდომარემ თენგიზ მთვარელიშვილმა თელავში, 9 აპრილს გარდაცვლილთა მემორიალი ყვავილებით შეამკეს და მათ ხსოვნას პატივი მიაგეს. ინფორმაციას თელავის მერია ავრცელებს.

„დღეს, 9 აპრილია, ეს არის დღე, რომელიც მუდამ გვახსენებს ქართველების ერთიანობის სულისკვეთებასა და ამავდროულად დიდ ტრაგედიას.

1989 წლის 9 აპრილს მშვიდობიანი მომიტინგეები სასტიკად დაარბიეს და მოწამლეს. ქვეყანამ თავისუფლებისთვის დიდი მსხვერპლი გაიღო.

პატივს მივაგებთ სამშობლოს დამოუკიდებლობისათვის მებრძოლ ადამიანებს, მადლობა მათ თავისუფლებისათვის“, - განაცხადა ირაკლი შიოშვილმა.

თელავის მერის, ლევან ანდრიაშვილის თქმით კი, ჩვენი მოქალაქეების თავდადების შედეგად გვაქვს დღეს დემოკრატიული ღირებულებების სახელმწიფო.

„ეს დღე ჩვენი ქვეყნის ისტორიაში ერთ-ერთი ყველაზე ტრაგიკული თარიღია. ჩვენი მოქალაქეების გმირობის და თავდადების შედეგად გვაქვს დღეს დამოუკიდებელი, დემოკრატიული ღირებულებების მქონე სახელმწიფო.

გვსურს, პატივი მივაგოთ დღევანდელ დღეს გარდაცვილთა ხსოვნას, ყველა იმ ადამიანის ხსოვნას, ვინც საქართველოს მთლიანობას შესწირა თავი და გმირად ჩაიწერა ჩვენი ქვეყნის ისტორიაში.

საქართველოს 20% ჯერ კიდევ ოკუპირებულია, მე ღრმად მწამს რომ გმირების თავდადება უკვალოდ არ ჩაივლის, სწორი ნაბიჯებით აუცილებლად გავამთლიანებთ საქართველოს“, - აღნიშნა ლევან ანდრიაშვილმა.

1989 წლის 9 აპრილს, საქართველოს დამოუკიდებლობის მოთხოვნით მოწყობილი მშვიდობიანი დემონსტრაციის დარბევის დროს დაიღუპა 21 და დაშავდა 427 ადამიანი.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება