ზუგდიდში 9 აპრილს დაღუპულთა ხსოვნას პატივი მიაგეს
ზუგდიდის ადგილობრივი ხელისუფლების წარმომადგენლებმა 1989 წლის 9 აპრილს დაღუპულთა ხსოვნას პატივი მიაგეს და მემორიალური დაფა გვირგვინით შეამკეს.
„9 აპრილი ეს გახლავს ყველაზე მნიშვნელოვანი და ხმამაღალი განაცხადი თავისუფლებისთვის და 9 აპრილის მონაპოვარია დღეს ქვეყნის თანამედროვე დამოუკიდებლობა. ეს იყო იდეის გარშემო გაერთიანებული საქართველო, რომელიც შეეწინააღმდეგა რეპრესიულ რეჟიმს, რომელმაც სასტიკად დაარბია, დასაჯა ქართველი ხალხი და გვქონდა მსხვერპლი. მე მინდა კიდევ ერთხელ მადლობა გადავუხადო ჩვენს გმირებს და ვთქვა, რომ მომავალ თაობებს ისინი მუდამ ემახსოვრებათ და პატივს მიაგებენ მათ ხსოვნას. მადლობა თავისუფლებისთვის!“- აღნიშნა ზუგდიდის მუნიციპალიტეტის მერმა მამუკა წოწერიამ.
ზუგდიდის ვლაქერნის ღვთისმშობლის ტაძრის წინამძღვარმა მამა მალხაზ ჭანტურიამ დაღუპულთა სულის მოსახსენიებელი პანაშვიდი გადაიხადა.
1989 წლის 9 აპრილს, საბჭოთა კავშირის სადამსჯელო სამხედრო ნაწილებმა მშვიდობიანი საპროტესტო აქცია დაარბიეს, რის შედეგადაც 21 ადამიანი დაიღუპა. 1989 წლის 9 აპრილიდან ზუსტად ორი წლისთავზე, საქართველოს რესპუბლიკის უზენაესმა საბჭომ ზვიად გამსახურდიას მეთაურობით საქართველოს დამოუკიდებლობის აღდგენის აქტი მიიღო.
v-if="article.gallery" v-html="article.gallery"
