მიხეილ დაუშვილი - როგორ შეიძლება  წინაპირობები წაუყენო უკრაინას, ამ შემთხვევაში ჩამოვალ, ან იმ შემთხვევაში ჩამოვალო? - მხოლოდ საკუთარი თავისთვის ხომ არ იბრძვის?

რომელ მორალში წერია, ის დანაშაულები, რაც რუსეთმა ჩაიდინა, როგორ შეიძლება, რაღაც წინაპირობები წაუყენო უკრაინას, ამ შემთხვევაში ჩამოვალ, ან იმ შემთხვევაში ჩამოვალო?! ამით „ქართული ოცნება“ თავის თავს კი არ აზიანებს, ქვეყანას და ხალხებს შორის ურთიერთობას აზიანებს, - ამის შესახებ პარტია „საქართველოსთვის“ ერთ-ერთმა ლიდერმა, მიხეილ დაუშვილმა „პალიტრანიუსის“ გადაცემა „360 გრადუსში“ განაცხადა.

როგორც დაუშვილმა აღნიშნა, საქართველოს ხვალინდელი დღე, პირდაპირ არის დამოკიდებული, რუსეთის წინააღმდეგ უკრაინის გამარჯვებაზე.

ოპოზიციონერი პოლიტიკოსის თქმით, დღეს საქართველო უკრაინის პირველი გულშემატკივარი უნდა იყოს.

„დღეს უკრაინა რომ იბრძვის, ჩვენ რატომ ვართ ვალდებული ბევრ რამეში? - უკრაინა რომ იბრძვის, მხოლოდ საკუთარი თავისთვის ხომ არ იბრძვის, უკრაინის ბრძოლაზე ხომ პირდაპირ არის დამოკიდებული ჩვენი ხვალინდელი დღე, დამოუკიდებლობა და საერთოდ, საით აღმოვჩნდებით - აღმოვჩნდებით ცივილიზებულ დასავლეთთან ერთად, თუ საბჭოთა კავშირში, რუსეთთან ერთად. დღეს უკრაინა არის წამყვანი, წარმართველი ძალა ევროინტეგრაციის კონტექსტში, საქართველოსთვისაც და მოლდოვისთვისაც. სხვა მიზეზებთან ერთად, ესეც არის მიზეზი, რომ ხელჩაჭიდებული ვიყოთ მათთან, პირველ რიგში ხელისუფლება და სრულ კოორდინაციაში უნდა იყვნენ. მათი პირველი მხარდამჭერი დღეს უნდა იყოს საქართველოს ხელისუფლება. უბრალოდ, მორალურად რომ შევხედოთ ამ ყველაფერს, რომელ მორალში წერია, ის დანაშაულები, რაც რუსეთმა ჩაიდინა, როგორ შეიძლება, რაღაც წინაპირობები წაუყენო ამ შემთხვევაში ჩამოვალ, ან იმ შემთხვევაში ჩამოვალო?! ამით „ქართული ოცნება“ თავის თავს კი არ აზიანებს, ქვეყანას და ხალხებს შორის ურთიერთობას აზიანებს“, - განაცხადა დაუშვილმა.

მისივე შეფასებით, საქართველოსთან მიმართებაში კითხვები არ უნდა გაჩენილიყო.

როგორც დაუშვილმა აღნიშნა, უკრაინის ხელისუფლებამ პირდაპირ ბრალი დაგვდო, რომ საქართველომ რუსეთის კონტრაბანდული ტვირთი გაატარა, რაც „ქართული ოცნების“ ბრალია.

„სანქციების თავის არიდებაში ხომ არ ეხმარები რუსეთს? უბრალოდ კითხვა არ გააჩინო და თუ გინდა ხმას ნუ ამოიღებ. ნაცვლად იმისა, რომ მხარი დაეჭირათ უკრაინისთვის, ლამის რუსეთს გულშემატკივრობდნენ. არა თუ კითხვები გააჩინეს სანქციებისთვის თავის არიდებაში, მეტსაც მიაღწიეს, უკრაინამ პირდაპირ ბრალი დაგვდო, რომ საქართველომ გაატარა კონტრაბანდული ტვირთი. უკრაინას მეტი საქმე არ აქვს, რომ საქართველოს რაღაცა დააბრალოს? დღეს ამ ომში მეტი საქმე არ აქვთ? 10 წელია ხარ ხელისუფალი, „ნაციონალურ მოძრაობას“ კი არა, ამ ქვეყანაზე არავის უნდა შეეძლოს, არავის უნდა ჰქონდეს იმდენი რესურსი, ხალხებს შორის ურთიერთობა, შენსა და უკრაინის ოფიციალურ პირებს შორს ურთიერთობა ოდნავ მაინც არიოს და თუ ეს ასე ხდება, ეს პირველ რიგში შენი პასუხისმგებლობა და შენი ბრალია“, - აღნიშნა დაუშვილმა.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს