ქუთაისის საკრებულოში „ნაციონალური მოძრაობის" წევრი ადგილობრივ ხელისუფლებას თანხების გაფლანგვაში ადანაშაულებს და პროკურატურას გამოძიების დაწყების მოთხოვნით მიმართავს

„ნაციონალური მოძრაობა" პროკურატურას გამოძიების დაწყების მოთხოვნით მიმართავს. ქუთაისის საკრებულოს ოპოზიციონერი დეპუტატი გიგა შუშანია აუდიტის დასკვნას ეხმიანება და ადგილობრივ ხელისუფლებას თანხების გაფლანგვაში ადანაშაულებს.

მისი თქმით, აუდიტის დასკვნის თანახმად, 2019-2020 წლებში მერიის მაღალჩინოსნებმა დანამატებთან ერთად სოციალური დახმარებაც მიიღეს, ასევე მილიონობით ლარია გაფლანგული. შუშანია გამოძიების დაწყებას მოითხოვს და აცხადებს, რომ კონკრეტული ადამიანების პასუხისმგებლობის საკითხი უნდა დადგეს.

"მაშინ, როდესაც "ქართული ოცნება" პრეზიდენტ სააკაშვილს ასამართლებს შვიდი პიჯაკის შეძენისთვის, ასევე იუშენკოს მასპინძლობისთვის, ამ დროს ქუთაისის მერია 2019-2020 წლებში მილიონობით ლარის ფლანგვით იყო დაკავებული. საკუთარ თავს სოციალურად დაუცველების სტატუსით 382 000 ლარს უწერდნენ. 22 მილიონიანი ახალი ავტობუსები შეძენიდან ცხრა თვეში 594-ჯერ გაფუჭდა, ასევე წერია, რომ მილიონობით ლარია გაფლანგული, არ არსებობს დანაშაული, რომელიც აუდიტის ამ დასკვნაში არ ეწეროს, ამიტომ მივმართეთ პროკურატურას, დაიწყოს გამოძიება და დადგეს, კონკრეტული თანამდებობის პირების პასუხისმგებლობის საკითხი", - განაცხადა გიგა შუშანიამ.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება