ERRA-ს პრეზიდენტსა და სემეკის წევრს, მაია მელიქიძეს უკრაინის მარეგულირებელი კომისია მხარდაჭერისთვის მადლობას უხდის
უკრაინის ენერგეტიკისა და კომუნალური მომსახურების სფეროს მარეგულირებელი ეროვნული კომისია საქართველოს ენერგეტიკისა და წყალმომარაგების მარეგულირებელი ეროვნული კომისიის წევრს მაია მელიქიძეს ენერგეტიკის მარეგულირებელთა რეგიონული ასოციაციის ERRA-ს პრეზიდენტად მეორე ვადით არჩევას ულოცავს და ასოციაციაში უკრაინისთვის გაწეული დახმარებისათვის მადლობას უხდის. ინფორმაციას საქართველოს ენერგეტიკისა და წყალმომარაგების მარეგულირებელი ეროვნული კომისია ავრცელებს.
სემეკის ცნობით, უკრაინის მარეგულირებელი კომისიის თავმჯდომარის წერილში ხაზგასმულია იმ მხარდაჭერის მნიშვნელობა, რომელიც მაია მელიქიძის ხელმძღვანელობით ასოციაციამ უკრაინის მიმართ გამოიჩინა.
„წერილში აღნიშნულია ERRA-ს სხვადასხვა საგანმანათლებლო პროგრამების მნიშვნელობა უკრაინის მარეგულირებლის განვითარების საქმეში და აქტიური ჩართულობა ასოციაციის მიერ დაარსებული უკრაინის მხარდამჭერი ფონდის საშუალებით, რომელიც ხელს შეუწყობს უკრაინის მარეგულირებლის ექსპერტების გადამზადებას და მათთვის საუკეთესო ევროპული პრაქტიკის გაცნობას“,-აღნიშნულია ინფორმაციაში.
v-if="article.gallery" v-html="article.gallery"
