აჭარის მთავრობის თავმჯდომარე თორნიკე რიჟვაძე დღის ცენტრ „იალქანის" ბენეფიციარების სააღმზრდელო პროცესს და ბავშვების საჭიროებებს გაეცნო. ინფორმაციას ამის შესახებ აჭარის ავტონომიური რესპუბლიკის მთავრობა ავრცელებს.

მათივე ცნობით, დღის ცენტრი სხვადასხვა საჭიროების მქონე 50-მდე ბავშვს ემსახურება. აჭარის მთავრობის მხარდაჭერით ფონდ „იალქანს" ფართი გადაეცა, სადაც საერთაშორისო სტანდარტების დღის ცენტრი მოეწყო.

„დღის ცენტრის ბენეფიციარები კულტურულ, სპორტულ აქტივობაში აქტიურად არიან ჩართული. ცენტრში თიხაზე მუშაობას, უცხო ენებს შეისწავლიან.

ფონდი გაფართოვდა, მობილური და მულტიდისციპლინური ჯგუფები დაემატა, რომლებიც ბავშვებთან ყოველდღიურ რეჟიმში მუშაობენ.

„იალქანი“ სხვადასხვა საჭიროების მქონე ბენეფიციარებს მაისიდან 24 საათიან მომსახურებას გაუწევს“, - აღნიშნულია ინფორმაციაში.