სომეხთა სამოციქულო მართლმადიდებელი ეკლესიის წარმომადგენლებმა ახალციხეში ქრისტეს ბრწყინვალე აღდგომა აღნიშნეს.
რელიგიის საკითხთა სახელმწიფო სააგენტოს ინფორმაციით, სააღდგომო ლიტურგიას სომხურ სამოციქულო ეკლესიაში მამა ჰაირაკოფ ასაკიანი უძღვებოდა.
მათივე ცნობით, ქრისტეს ბრწყინვალე აღდგომა ახალციხეში მცხოვრებმა კათოლიკეებმაც იზეიმეს. დღესასწაული ახალციხეში, რაბათის უბანში მდებარე სავარდის სახელობის კათოლიკურ ტაძარში აღნიშნეს. საზეიმო წირვას მღვდელი პეტრე სტრელკო უძღვებოდა.
ახალციხის სურბ გრიგორ ლუსაროვიჩის სომხურ მართლმადიდებლურ ეკლესიასა და სავარდის სახელობის კათოლიკურ ტაძარში შეკრებილ მრევლს, საქართველოს მთავრობის სახელით, დღესასწაული რელიგიის საკითხთა სახელმწიფო სააგენტოს წარმომადგენელმა სამცხე-ჯავახეთში, ელვარდ ზაზაძემ მიულოცა.