შუახევის მუნიციპალიტეტის სოფელ კობალთაში მცხოვრებლებმა საპროტესტო აქცია გამართეს

შუახევის მუნიციპალიტეტის სოფელ კობალთაში მცხოვრებლებმა საპროტესტო აქცია გამართეს.შეკრებილების განცხადებით, სოფელი მეწყერ საშიშ ზონად იქცა, რაც შუახევ ჰესის მშენებლობამ გამოიწვია.

მოსახლეობის თქმით, 2017 წელს შუახევ ჰესი ექსპლუატაციაში ჩაეშვა, თუმცა მანამდე რისკების შესწავლა სათანადოდ არ მომხდარა. სოფელ კობალთას მოსახლეობის თქმით, მოსავლიანობა 70 პროცენტით შემცირდა, ამასთან სასმელი წყლის პრობლემებიც შეიქმნა. მოსახლეობა დახმარებისთვის ხელისუფლებას მიმართავს და ათ დღიან ვადას აძლევს.

„ჩვენი მოთხოვნაა, რომ უსაფრთხო გარემოში ვიცხოვროთ ან გაგვასახლონ. პირველად მეწყერი განვითარდა 2017 წლის მაისში, რის შედეგადაც მთლიანად განადგურდა სათიბებთან და საშეშე ტყესთან მისასვლელი გზები, ასევე ჩამოიშალა სოფელში მისასვლელი ცენტრალური გზა, განადგურების პირასაა მისული. შეგვექმნა მძიმე სოციალური ფონი. ჩვენს ძირითად შემოსავალს, მესაქონლეობა და მიწათმოქმედება შეადგენს და სოფელში არ არსებობს რაიმე ალტერნატიული დასაქმების საშუალება. მიუხედავად მთელი რიგი პრობლემებისა და ზიანისა, რომელიც პირდაპირ კავშირშია შუახევ ჰესის მშენებლობასთან (2014-2017წწ), არ მიგვიღია არანაირი დახმარება, არანაირი კომპენსაცია. აქედან გამომდინარე გთხოვთ, რომ ცნობად მიიღოთ აღნიშნული საკითხი და შუახევის მუნიციპალიტეტის მერიამ დროულად, იმოქმედოს აღნიშნული პრობლემის მოგვარებაზე”,- განაცხადეს მოქალაქეებმა.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო