ლენტეხის მუნიციპალიტეტის მერის, გია ონიანის ინიციატივით, ლენტეხში, მასშტაბური გამწვანებისა და დასუფთავების აქცია ჩატარდა.

მუნიციპალიტეტის მერიის ცნობით, აქციის ფარგლებში, ბაღები, სკვერები, ქუჩები და დაწესებულება-ორგანიზაციების მიმდებარე ტერიტორიები, ასევე, მდინარეების სანაპიროები დასუფთავდა. ამასთან, ყვავილები და მწვანე ნარგავები დაირგო.

სამუშაოები, საავტომობილო და საფეხმავლო გზებზე, სპეციალური ტექნიკის საშუალებით მიმდინარეობდა.

მათივე ცნობით, აქციაში მონაწილეობა მერიისა და საკრებულოს თანამშრომლებმა, საჯარო სამსახურების, ა(ა).ი.პ-ების და სხვადასხვა ორგანიზაციების წარმომადგენლებმა მიიღეს.

„მისასალმებელია, რომ ამდენი ადამიანი გამოვიდა და ჩვენი რაიონის დასუფთავება-გალამაზებაში მონაწილეობა მიიღო. ვიმედოვნებ, რომ მომავალში თითოეული ჩვენგანი იმ გარემოს გავუფრთხილდებით, რომელშიც ჩვენ ვცხოვრობთ,“ - აღნიშნა გია ონიანმა.