ზუგდიდში, რაიონულ სასამართლოსთან „ნაციონალური მოძრაობის“ ორგანიზებით აქცია გაიმართა. აქციის მონაწილეები საქართველოს ყოფილი პრეზიდენტის მიხეილ სააკაშვილის გათავისუფლებას მოითხოვენ.
„ჩვენ სასამართლოს წინ შევიკრიბეთ იმიტომ, რომ დღეს იმართება მიხეილი სააკაშვილის სასამართლო პროცესი. სახელმწიფო დეპარტამენტის ანგარიშში წერია, რომ საქართველოში სასამართლო იმართება პირდაპირ ხელისუფლებისგან. ჩვენ აქ ვართ იმიტომ, რომ მოვითხოვოთ ღირსეული სასამართლო სააკაშვილის მიმართ ან მისი გადაყვანა იმ ქვეყანაში, რომელსაც ითხოვს უკრაინა",- განაცხადა აქციის მონაწილე მაია კალანდიამ.
შეგახსენებთ, რომ მიხეილ სააკაშვილის მიერ საზღვრის უკანონო კვეთის ფაქტთან დაკავშირებით გამოძიება პირველ ოქტომბერს დაიწყო. აღნიშნული საქმის ფარგლებში ბრალდება კიდევ 4 პირს - ელგუჯა ცომაიას, ზურაბ და შალვა წოწორიებსა და გიორგი ნარიმანიძეს აქვთ წაყენებული და ის ცალკე წარმოებად მიმდინარეობს. მათ აღკვეთის ღონისძიების სახით შეფარდებული პატიმრობა გირაოს სანაცვლოდ შეეცვალათ.