The Washington Post-ი ფეისბუკის პარტნიორ ფაქტების გადამმოწმებელ პლატფორმებზე, მათ შორის მითების დეტექტორზე წერს და ხაზს უსვამს, მათ როლს რუსულ პროპაგანდასა და დეზინფორმაციასთან ბრძოლაში, უკრაინაში რუსეთის სამხედრო ინტერვენციის ფონზე.

The Washington Post-თან საუბარში მედიის განვითარების ფონდის (MDF) აღმასრულებელი დირქტორი, თამარ კინწურაშვილი აღნიშნავს, რომ ფეისბუკმა რუსეთ-უკრაინის ომის დაწყების შემდეგ მითების დეტექტორთან თანამშრომლობა გააფართოვა, რამაც MDF-ის ფაქტების გადამოწმების პლატფორმას დამატებით რუსეთში, უკრაინასა და ბელარუსში გავრცელებული ყალბი ამბებისა და მითების გამოვლენის საშუალება მისცა. რუსულენოვანი დეზინფორმაციული ნაკადის ზრდის ფონზე, ორგანიზაცია გაფართოვდა ადამიანური რესურსის კუთხითაც, რათა რუსულ ენაზე ფაქტების გადამოწმებაზე ფოკუსირდეს.

The Washington Post-ი წერს, რომ უკრაინელი კოლეგების მხარდასაჭერად, რომლებსაც ორ ფრონტზე უწევთ ბრძოლა, 100-ზე მეტი ფაქტების გადამმოწმებელი ორგანიზაცია გაერთიანდა. ყალბი ამბების წინააღმდეგ კოორდინირებული ბრძოლის შედეგად გამოვლენილი მითები საერთო ბაზაში - #UkraineFacts - შეჰყავთ, სადაც დღევანდელი მონაცემებით 1000-ზე მეტი გადამოწმებული ფაქტია თავმოყრილი.

პლატფორმები, რომლებიც The Washington Post-ის ფოკუსში მოხვდნენ პოინტერის ინსტიტუტის ფაქტების გადამოწმების საერთაშორისო ქსელის (IFCN) ვერიფიცირებული ხელმომწერები არიან და იზიარებენ მის სარედაქციო პოლიტიკასა და სტანდარტებს. სწორედ აღნიშნულია Facebook-თან მესამე მხარის ფაქტების გადამოწმების პროგრამის ფარგლებში თანამშრომლობის წინაპირობა.

სტატიის სრულად ნახვა შესაძლებელია აქ

(R)