აჭარის საავტომობილო გზების დეპარტამენტის ინფორმაციიით, ქობულეთის მუნიციპალიტეტში, ადგილობრივი მნიშვნელობის ქაქუთი-ნაცხავატევის საავტომობილო გზაზე სტიქიის შედეგად დაზიანებული მონაკვეთის აღდგენითი სამუშაოები აქტიურად მიმდინარეობს.

როგორც უწყებაში აღნიშნეს, პროექტის ფარგლებში განხორციელდება, ქვედა და ზედა საყრდენი კედლის მშენებლობა. ასევე სავალ ნაწილზე მოეწყობა ასფალტო-ბეტონის საფარი. რეაბილიტირებული გზით 165 ოჯახი ისარგებლებს.