ბოლნისის მერია - საქალაქო და საბავშვო ბიბლიოთეკები ახალ შენობაში გადავიდა

დღეს ბოლნისის მუნიციპალიტეტის მერმა დავით შერაზადიშვილმა კულტურის ცენტრის ხელმძღვანელ სოსო კოპალეიშვილთან ერთად ბოლნისში ახლად რეაბილიტირებული საქალაქო და საბავშვო ბიბლიოთეკები დაათვალიერა და მათ, წიგნის საერთაშორისო დღესთან დაკავშირებით, საჩუქრად სხვადასხვა ჟანრის წიგნები გადასცა. ინფორმაციას ამის შესახებ ბოლნისის მუნიციპალიტეტის მერია ავრცელებს.

მათივე ცნობით, აღნიშნული ბიბლიოთეკები წლების განმავლობაში სტანდარტებთან შეუსაბამო შენობაში ფუნქციონირებდა.

როგორც ინფორმაციაშია აღნიშნული, ბოლნისის მუნიციპალიტეტის დაფინანსებით, ყოფილი სამოქალაქო რეესტრის შენობას სარეაბილიტაციო და ტექნიკური გადაიარაღების სამუშოები ჩაუტარდა.

„შედეგად, როგორც თანამშრომელთა, ასევე მკითხველთა მომსახურების პირობები მკვეთრად გაუმჯობესდა.

ორივე ბიბლიოთეკაში დასაქმებულია 20-ზე მეტი თანამშრომელი“, - აღნიშნულია ინფორმაციაში.

„ბოლნისის ორი ბიბლიოთეკა ახალ მისამართზე გადავიდა. საბავშვო და საქალაქო ბიბლიოთეკები წლების განმავლობაში სტანდარტებთან შეუსაბამო გარემოში ფუნქციონირებდა. ბოლნისის მუნიციპალიტეტის ძალისხმევით, ახალი შენობა გამოიძებნა, რომლის სრული რეაბილიტაცია განვახორციელეთ.

დღეს ახალი საბიბლიოთეკო სივრცე მოვინახულე და წიგნის ჩუქების საერთაშორისო დღესთან დაკავშირებით, ორივე ბიბლიოთეკას საჩუქრად სხვადასხვა ჟანრის წიგნები გადავეცი, რითაც წიგნადი ფონდი კიდევ უფრო შეივსება. სწორედ წიგნიერი და ერუდირებული თაობა არის ჩვენი ქვეყნის წარმატების საწინდარი“, - განაცხადა ბოლნისის მუნიციპალიტეტის მერმა, დავით შერაზადიშვილმა.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს