ბოლნისის მუნიციპალიტეტის მერი დავით შერაზადიშვილი სახალხო დამცველის აპარატის აღმოსავლეთ საქართველოს სამმართველოს უფროსს, გიორგი ტალახაძეს და ქვემო ქართლში სახალხო დამცველის რეგიონულ წარმომადგენლებს შეხვდა.

ამის შესახებ ინფორმაციას ბოლნისის მუნიციპალიტეტის მერია ავრცელებს.

„გაცნობითი ხასიათის შეხვედრაზე, მონაწილეებმა განიხილეს მუნიციპალიტეტში ადამიანის უფლებების კუთხით არსებული მდგომარეობა, მუნიციპალური პროგრამები, მიმდინარე და დაგეგმილი პროექტები. შეხვედრაზე, ბოლნისის მუნიციპალიტეტსა და სახალხო დამცველის აპარატს შორის დაისახა სამომავლო თანამშრომლობის გზები“, - ნათქვამია ინფორმაციაში.