მიმდინარე წლის 28 აპრილიდან 30 აპრილის ჩათვლით სმარტ კაპიტალ ჯგუფის სოციალური პასუხისმგებლობის მიმართულების ორგანიზაციები: საქველმოქმედო ფონდი ,,აი ია“ და ქართულ- გერმანული მუსიკათერაპიის ცენტრი ,,ბეკარი“ რაჭა-ლეჩხუმისა და ქვემო სვანეთის სამხარესო ადმინისტრაციასთან ერთად რაჭა-ლეჩხუმ სვანეთის მაჟორიტარი დეპუტატის გოჩა ენუქიძის ბიუროს ინიციატივით ღონისძიებას გამართავს. აგრეთვე, ამ ვიზიტის ფარგლებში, ოთხივე მხარის (ამბროლაური, ონი, ცაგერი, ლენტეხი) მუნიციპალიტეტთან თანამშრომლობის მემორანდუმი გაფორმდა.

ამბროლაურის, მუნიციპალიტეტში სამ დღიანი ღონისძიების ფარგლებში:

• ტარდება უფასო კონსულტაციები ოჯახებისა და ბავშვებისთვის, რომელთაც აქვთ სმენის დაზიანება და მეტყველებასთან დაკავშირებული პრობლემები.
• მუსიკათერაპიის სეანსები ფსიქო-ემოციური პრობლემების მქონე ბავშვებისთვის.
• ვორკშოპები ბაღის აღმზრდელებისა და სკოლის დაწყებითი კლასის პედაგოგებისთვის უსაფრთხო სმენის საკითხებთან დაკავშირებით,
• ბაღში მომუშავე მუსიკის მასწავლებლებისთვის ვორკშოპი, სადაც მათ გადაეცემათ პრაქტიკული სახელმძღვანელოები.
• მშობლებისთვის გაიმართება კითხვა-პასუხის სესია ნეიროფსიქოლოგებთან.

ღონისძიების ფარგლებში ამბროლაურის, ონის, ცაგერისა და ლენტეხის მუნიციპალიტეტებს, საქველმოქმედო ფონდს ,,აი ია“ და ქართულ-გერმანული მუსიკათერაპიის ცენტრს ,,ბეკარი“ შორის გაფორმდება თანამშრომლობის მემორანდუმი, რომელიც მიზნად ისახავს შშმ პირთათვის საჭირო სერვისებზე ხელმისაწვდომობის გაზრდასა და ამ მიზნით აქტივობების დაგეგმვასა და განხორციელებას რაჭა-ლეჩხუმისა და ქვემო სვანეთის მხარეში.

(R)