ფასანაურში ძლიერი წვიმის გამო მდინარე ადიდდა და გზა წაიღო.

როგორც „ინტერპრესნიუსს“ დუშეთის მუნიციპალიტეტის მერმა, მანანა ნარიმანიძემ განუცხადა, ოჯახებს საფრთხე არ ემუქრებათ.

„დილიდან ადგილზე ვიმყოფები. ხანდოს ხეობის მიმდებარე 5 სოფლის ცენტრალურ გზასთან დამაკავშირებელი გზა წაღებულია. 35 ოჯახი გარესამყაროს არის მოწყვეტილი, სადაც გზა არ არის. ოჯახებს საფრთხე არ ემუქრებათ, მაგრამ გზა არ არის. მხოლოდ საფეხმავლო გზა არის დარჩენილი, საავტომობილო გზით აღნიშნულ სოფლებს ვერ დაუკავშირდებით. ელექტროენერგია უკვე აღდგა“, - განაცხადა მანანა ნარიმანიძემ.