უკრაინის თავდაცვის მინისტრის მოადგილე ანა მალიარი საზოგადოებას მოუწოდებს, არ გაავრცელონ სოციალურ ქსელებში ინფორმაცია დასახლებების ოკუპაციისგან გათავისუფლების შესახებ. მისი თქმით, ასეთი გზავნილები ზიანს აყენებს სახელმწიფოს დაცვას.

მისი თქმით, 29 აპრილის ცნობილმა ბლოგერმა გამოაცხადა ხარკოვის ოლქის სოფელ რუსკაია ლოზოვაიას განთავისუფლების შესახებ და გაავრცელა "ორი რამ, რაც საჯაროდ არ უნდა დაწერილიყო". თავდაცვის სამინისტროს არაერთი მოთხოვნის გამო ინფორმაციის დადასტურება მოუწია, საღამოს კი სოფელში სიტუაცია გამწვავდა და მტერი გააქტიურდა.

„შედეგად, რუსკაია ლოზოვაიაში არის ერთი გარდაცვლილი და 12 დაშავებული. ეს არის პოსტის და „ლაიქის“ ფასი", - აღნიშნა ანა მალიარმა.

მინისტრის მოადგილემ უკრაინელებს მოუწოდა, უკრაინის შეიარაღებულ ძალებს მშვიდად მუშაობის საშუალება მისცენ და თავი შეიკავონ სოციალურ ქსელებში ყველაფრის დაწერისგან.