პრემიერ-მინისტრი ირაკლი ღარიბაშვილი წყალტუბოში, სოფელ ბანოჯაში იმყოფებოდა, სადაც „შეღავათიანი აგროკრედიტის" პროექტით მოსარგებლე ფერმერის საფუტკრე მეურნეობა დაათვალიერა

საქართველოს პრემიერ-მინისტრი ირაკლი ღარიბაშვილი, გარემოს დაცვისა და სოფლის მეურნეობის მინისტრ ოთარ შამუგიასთან ერთად, იმერეთში რეგიონული ტურნეს ფარგლებში წყალტუბოს მუნიციპალიტეტის სოფელ ბანოჯაში იმყოფებოდა, სადაც „შეღავათიანი აგროკრედიტის" პროექტით მოსარგებლე ფერმერის, გუგა კაჭკაჭიშვილის თაფლის გადამამუშავებელი ინვენტარი და ფიჭის დასამზადებელი დანადგარი დაათვალიერა.

გარემოს დაცვისა და სოფლის მეურნეობის მინისტრის თქმით, გუგა კაჭკაჭიშვილის საწარმო „შეღავათიანი აგროკრედიტის" პროგრამის ფარგლებში 25 000 ლარით დაფინანსდა.

გუგა კაჭკაჭიშვილმა აღნიშნა, რომ მიღებული დაფინანსებით თაფლის გადამამუშავებელი ინვენტარი და ფიჭის დასამზადებელი დანადგარი შეიძინა, რითაც საოჯახო მეურნეობის გაფართოების შესაძლებლობა მიეცა.

მთავრობის ადმინისტრაციის ინფორმაციით, დაფინანსების მიღების შემდეგ, გუგა კაჭკაჭიშვილის საწარმო ამ ეტაპზე 12 ტონამდე თაფლს და 3 ტონა ფიჭას ამუშავებს, წარმოებული პროდუქცია კი ექსპორტზე გადის.

მთავრობის მეთაურთან ერთად ადგილზე აღმასრულებელი, საკანონმდებლო და ადგილობრივი ხელისუფლების წარმომადგენლები იმყოფებოდნენ.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა