პრემიერ-მინისტრი ხონში, სოფელ ივანდიდში თხილის გადამამუშავებელ საწარმოს ესტუმრა

საქართველოს პრემიერ-მინისტრმა ირაკლი ღარიბაშვილმა, გარემოს დაცვისა და სოფლის მეურნეობის მინისტრ ოთარ შამუგიასთან ერთად ხონში, სოფელ ივანდიდში თხილის გადამამუშავებელი საწარმო დაათვალიერა.

შპს ,,ედელინგმა" თხილის საწარმოს მშენებლობისთვის შეღავათიანი აგროკრედიტით, აგროლიზინგის წესით 1,2 მილიონი ლარი 2019 წელს მიიღო. როგორც კომპანიის დირექტორმა შოთა საღრიშვილმა პრემიერ-მინისტრს განუმარტა, ამ ეტაპზე ქარხანაში 40-მდე ადამიანია დასაქმებული და წარმოებული პროდუქტი როგორც ადგილობრივ ბაზარზე, ისე ექსპორტზე იყიდება. მისივე თქმით, პროექტის განხორციელება სახელმწიფოს ხელშეწყობის გარეშე, დიდ სირთულეებს დაუკავშირდებოდა და წამოწყებას 4-5 წლით უკან დახევდა.

როგორც მთავრობის მეთაურმა აღნიშნა, სახელმწიფო მომავალშიც აქტიურად გააგრძელებს სოფლის მეურნეობის განვითარებას და ფერმერების შესაძლებლობების ზრდის ხელშეწყობას.

პრემიერთან ერთად, თხილის საწარმო განათლებისა და მეცნიერების მინისტრმა მიხეილ ჩხენკელმა, სუს-ის უფროსმა გრიგოლ ლილუაშვილმა, მთავრობის ადმინისტრაციის რეგიონებთან ურთიერთობის დეპარტამენტის ხელმძღვანელმა ლერი ბარნაბიშვილმა და ხონის მერმა, ვლადიმერ ჯურხაძემ დაათვალიერეს.

აღნიშნულ ინფორმაციას მთავრობის ადმინისტრაცია ავრცელებს.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს