უკრაინის პრეზიდენტმა ვოლოდიმირ ზელენსკიმ გაერთიანებული სამეფოს პრემიერ-მინისტრ ბორის ჯონსონთან ფრონტზე, მათ შორის ქალაქ მარიუპოლში არსებული ვითარება და უკრაინის დახმარების საკითხები განიხილა. ამის შესახებ უკრაინის პირველი პირი ინფორმაციას „ტვიტერის“ საკუთარ გვერდზე ავრცელებს.
„ მუდმივი კონტაქტი მაქვს გაერთიანებული სამეფოს პრემიერ-მინისტრ ბორის ჯონსონთან. გავაცანი ბრძოლის ველზე არსებული ვითარება და ასევე ალყაში მყოფი მარიუპოლის. განვიხილეთ დახმარების საკითხი უკრაინისთვის და აუცილებელი დიპლომატიური ძალისხმევა მშვიდობის მისაღწევად“,- განაცხადა ზელენსკიმ.