უკრაინის ომი კაცობრიობის საშინელი რეგრესია - ამის შესახებ რომის პაპმა ფრანცისკემ ვატიკანში, წმინდა პეტრეს მოედანზე შეკრებილ ათასობით მორწმუნეს, საკვირაო ქადაგებისას, განუცხადა.კათოლიკური ეკლესიის მეთაური მარიუპოლის ფოლადის ქარხანაში ჩარჩენილი ადამიანების ჰუმანიტარული დერეფნებით ევაკუაციის მოწოდებით გამოვიდა და აღნიშნა, რომ უკრაინაში რუსეთის შეჭრამ მას "ტანჯვა და ტირილი" მოჰგვარა.
საინფორმაციო სააგენტო „როიტერსის“ ცნობით, პონტიფიკოსმა დღეს ირიბად გააკრიტიკა რუსეთი და დასძინა, რომ მარიუპოლი "ბარბაროსულად დაბომბეს და გაანადგურეს".